චීන රජයේ සහයෝගයෙන් ශ්‍රී ලංකාවේ ජනතාවට දියුණු සෞඛ්‍ය පහසුකම් සැපයීම සඳහා මෙරටට පැමිණි ජංගම රෝහල සහිත නෞකාවේ සේවාව නොමිලේ ලබා දීම ඊයේ (23) සිට කොළඹ වරායේ දී ආරම්භ වුණා.
ප්‍රවාහන, මහාමාර්ග, වරාය හා සිවිල් ගුවන් සේවා අමාත්‍ය බිමල් රත්නායක හා වරාය හා සිවිල් ගුවන් සේවා නියෝජ්‍ය අමාත්‍ය ජනිත රුවන් කොඩිතුවක්කු යන මහත්වරුන්ද මෙහි සමාරම්භක අවස්ථාවට සහභාගී වී තිබෙනවා.
ලොව පුරා සැරිසරමින් සෞඛ්‍ය සේවාව සපයන මෙම නෞකාව දෙසැම්බර් 27 දා දක්වා මෙරට සේවාව සපයන්නට සූදානමින් සිටියි.
CTC Scan, MRI Scan ඇතුළු සියලුම සෞඛ්‍ය පරීක්ෂාවන් ද චීනකටු ප්‍රතිකාර ඇතුළු එරට වෛද්‍ය ක්‍රම ද නොමිලයේ සැපයෙන මෙහි විශේෂත්වය වන්නේ පොරොත්තු ලේඛණයන්ගෙන් තොරව එසැණින් සේවාව ලබාගැනීමට හැකි වීමයි.
