ෆිච් රේටින් සමාගම විසින් දිගුකාලීන විදේශ මුදල් නිකුත් කරන්නන්ගේ ශ්‍රේණිගත කිරීම CCC සෘණ මට්ටමේ සිට CCC ධන මට්ටම දක්වා උසස් කිරීම හරහා රටේ මූල්‍ය තත්ත්වය යහපත් අතට හැරී ඇති බවට තහවුරු වන බව ආර්ථික විද්වතුන් පවසා තිබෙනවා.
පේරාදෙණිය විශ්ව විද්‍යාලයේ ආර්ථික විද්‍යා හා සංඛ්‍යාන විද්‍යා අධ්‍යයන අංශයේ මහාචාර්ය වසන්ත අතුකෝරල මහතා පවසන්නේ මේ හේතුවෙන් මෙරට බැංකු පද්ධතියට විදේශ බැංකු සමඟ කටයුතු කිරීම ඉතාමත් පහසු වන බවයි.
එනමුත් පැවති අවධානම සම්පූර්ණයෙන් ඉවත්ව නොමැති බවයි මෙහිදී මහාචාර්යවරයා ප්‍රකාශ කළේ.
ඒ අනුව ලබන වසර අවසන් වීමට ප්‍රථම ෆිච් රේටින් සමාගම ශ්‍රේණිගත කිරීම්වලින් ශ්‍රී ලංකාව තවදුරටත් ඉහළට යා යුතු බවයි අතුකෝරල මහතා වැඩිදුරටත් පවසා සිටියේ.
