ලොව සුපතල ජපන් මෝටර් රථ සමාගම් දෙකක් වන හොන්ඩා සහ නිසාන් සමාගම් ඒකාබද්ධ කර නව සමාගමක් පිහිටුවීම වෙනුවෙන් සාකච්ඡා ආරම්භ කර තිබෙන බව ජාත්‍යන්තර මාධ්‍ය වාර්තා කරනවා.
මෙහි අරමුණ වන්නේ ටෙස්ලා සහ චීන විද්‍යුත් මෝටර් රථ සමාගම් විසින් එල්ල කරනු ලබන දැවැන්ත අභියෝගයන්ට මුහුණදීමයි.
එමෙන්ම 2016 වසරේ සිට Nissan සමඟ සමීපව කටයුතු කරන Mitsubishi Motors මෙම කණ්ඩායමට එක්විය හැකි බව ද එම වාර්තා සඳහන් කරයි.
කෙසේ වෙතත් ,අදාළ සමාගම් එක්ව පිහිටවනු ලබන නව සමාගමේ තොරතුරු තවමත් ප්‍රසිද්ධ කර නොමැති බව සඳහන්.
මෙම කරුණු අනාවරණයත් සමග ටෝකියෝ කොටස් වෙළඳපොළේ, නිසාන් සහ හොන්ඩා සමාගම්වල කොටස් මිල ඉහළ ගොස් තිබෙන බවයි කියන්නේ.
