බාලි හි සිදු වූ වෙඩි තැබීමේ සිද්ධියකින් ඕස්ට්‍රේලියානු ජාතිකයෙකු මිය ගොස් තවත් අයෙකු බරපතල තුවාල ලබා තිබෙනවා.
පුද්ගලයින් දෙදෙනෙකුට කිහිප වතාවක් වෙඩි තබා ඇති අතර, එහිදී එක් අයෙකු ජිවිතක්ෂයට පත් වී ඇති බවයි විදෙස් මාධ්‍ය වාර්තා කරන්නේ.
තුවාල ලැබූ අනෙක් පුද්ගලයාගේ තත්ත්වය බරපතල බව පවසනවා.
මියගිය අය සිවාන් රඩ්මනොවික් 32 හැවිරිදි සහ තුවාල ලැබූ 35 හැවිරිදි සනාර් ඝානිම් ලෙසයි එරට ප්‍රාදේශීය පොලිසිය හඳුනාගෙන ඇත්තේ.
පොලිස් ප්‍රධානී අරිෆ් බටුබාරා පවසා ඇත්තේ වෙඩි තැබීම සිදු වූ නිශ්චිත වේලාව හා වෙඩි තැබීමට හේතුව මෙතෙක් තහවුරු කිරීමට බලධාරීන්ට නොහැකි වූ බවයි.
