යුද්ධය සම්බන්ධයෙන් ඍජු සාකච්ඡාවක් පැවැත්වීම සඳහා රුසියානු ජනාධිපති ව්ලැදිමියර් පුටින් යුක්රේනයට යෝජනාවක් ඉදිරිපත් කර තිබෙනවා.
ඒ රූපවාහිනි සාකච්ඡාවකට එක්වෙමින්.
එහිදී ඔහු සඳහන් කළේ යුක්‍රේනය සමග මැයි 15 ට පෙර පූර්ව කොන්දේසියකින් තොරව සෘජු සාකච්ඡා නැවත ආරම්භ කිරීමට තමන් සූදානම් බවයි.
එසේම, මෙම සාකච්ඡා ලබන සතිය අවසාන වීමට ප්‍රථම ආරම්භ කළ යුතු බවද ඔහු වැඩිදුරටත් ප්‍රකාශ කර තිබෙනවා.
එමෙන්ම ගැටුම් සඳහා හේතු වූ සාධක ඉවත් කර, කල් පවතින ශක්තිමත් සාමයක් කරා ගමන් කිරීමට අවශ්‍ය පියවර ගැනීමට ද සූදානම් බවයි එම සාකච්ඡාවේ දී පූටින් ප්‍රකාශ කර ඇත්තේ.
කෙසේ වෙතත් බ්‍රිතාන්‍ය අගමැති කීර් ස්ටාර්මර් සහ ප්‍රංශ ජනාධිපති එමානුවෙල් මැක්‍රොන් ඇතුළු යුරෝපීය නායකයින් යුක්රේනයේ කොන්දේසි විරහිත දින 30 ක සටන් විරාමයකට එකඟ වන ලෙස රුසියාවෙන් ඉල්ලා පැය කිහිපයකට පසු එම යෝජනාව රුසියානු ජනාධිපතිවරයා ඉදිරිපත් කර ඇතැයි ද සඳහන්.
