රුපියල් 20,840,000ක් වටින් මුදල් සහ රන් භාණ්ඩ කොල්ලෑමේ සිද්ධියේ සැකකරුවෙකු අත්අඩංගුවට ගැනීමට බස්නාහිර පළාත උතුර අපරාධ කොට්ඨාසයේ නිලධාරීන් සමත්වී තිබෙනවා.
2025.05.03 වන දින සපුගස්කන්ද පොලිස් වසමේ දීයි අවිපෙන්වා බිය ගන්වා මෙලෙස දෙකෝටි අට ලක්ෂ හතලිස් දාහක් වටිනා රන් භාණ්ඩ හා මුදල් කොල්ල කා තිබුණේ.
සිද්ධිය සම්බන්ධයෙන් බස්නාහිර පළාත උතුර අපරාධ කොට්ඨාසය මගින් විමර්ශන ක්‍රියාත්මක කරනු ලැබුවා.
ඒ අනුව ඊයේ (08) දින උදෑසන කාලයේ දී කිරිඳිවැල පොලිස් වසමේ රඳාවාන මාහේන හන්දිය ප්‍රදේශයේ දීයි සැකකරු අත්අඩංගුවට ගෙන ඇත්තේ.
සැකකරු වයස අවුරුදු 61ක් වන කලගෙඩිහේන ප්‍රදේශයේ පදිංචිකරුවෙක්.
සැකකරුගෙන් සිදුකරන ලද වැඩිදුර ප්‍රශ්න කිරීමේදී සොරකම් කරන ලද රන් මුදුවක් පොලීසිය විසින් සොයාගෙන තිබෙනවා.
බස්නාහිර පළාත උතුර අපරාධ කොට්ඨාසය සිද්ධිය පිළිබඳ වැඩිදුර විමර්ශන සිදුකරයි.
