මාතර, අකුරැස්ස ප්‍රධාන මාර්ගයේ ධාවනය වෙමින් තිබු වෑන් රථයක් දක්ෂිණ අධිවෙගී මාර්ගයේ පාලටුව පිවිසුම ආසන්නයේ දී මාර්ගය අයිනේ නවතා තිබු කන්ටේනර් රථයක පිටුපස ගැටීමෙන් අද (08) උදෑසන බිහිසුණු අනතුරක් සිදුව තිබෙනවා.
අනතුරින් වෑන් රථයේ ගමන් කරමින් සිටි පුද්ගලයින් 12 දෙනෙකු තුවාල ලබා ඇති අතර ඔවුන් මාතර මහ රෝහලටයි ඇතුළත් කර ඇත්තේ.
පොලිසිය පැවසුවේ මෙම වෑන් රථයේ ගමන් කළ පිරිස කටුනායක ගුවන්තොටුපොළට ගොස් නැවත පැමිණෙමින් සිටි පිරිසක් බවත් ඔවුන් මාතර මුලටියන ප්‍රදේශයේ පදිංචිකරුවන් බවයි.
අනතුරෙන් තුවාල ලැබු තුවාලකරුවන් 1990 ගිලන් රථ උපයෝගි කරගනිමින් ප්‍රදේශවාසින් හා පොලීසිය එක්ව කඩිනමින් රෝහල්ගත කිරීමට පියවර ගෙන තිබෙනවා.
අනතුර සම්බන්ධයෙන් මාලිම්බඩ පොලිසිය වැඩිදුර පරික්ෂණ පවත්වයි.
