ලෝකයේ අලංකාරම ගුවන් තොටුපළ ගොඩබෑම හිමි රට බවට ඕස්ට්‍රේලියාව පළමු තැනට පත්ව තිබෙනවා.
මෙම වාර්තාවට හිමිකම් කියා ඇත්තේ, නිව් සවුත් වේල්ස් වෙරළට ඔබ්බෙන් පිහිටි ලෝඩ් හෝව් ගුවන් තොටුපළයි.
සිඩ්නි සහ බ්‍රිස්බන් ප්‍රාන්ත දෙකෙහිම වෙරළට කිලෝමීටර් 700 ක පමණ දුරින් පිහිටි කුඩා ක්‍රොසෙයින්ට් හැඩයෙන් යුත් දූපතක පිහිටි මෙම ගුවන් තොටුපළ දිගින් කිලෝමීටර් 11 ක් සහ පළල කිලෝමීටර් 2 ක් පමණ වන බවයි විදෙස් මාධ්‍ය සඳහන් කළේ.
දේශීය ගුවන් ගමන් පමණක් ඇති මෙම කුඩා දූපත් ගුවන්තොටුපළ සශ්‍රීක හරිත කඳු සහ ටස්මන් මුහුදේ නිල් පැහැති ජලය අතර පිහිටා ඇති ධාවන පථයකින්ද සමන්විතයි.
එමෙන්ම, මෙය ඔස්ට්‍රේලියාවේ කෙටිම ගුවන් පථය හිමි ගුවන් තොටුපළ බවද සඳහන්.
මෙම ලැයිස්තුවේ දෙවන තැන නවසීලන්තයේ ක්වීන්ස්ටවුන් ගුවන් තොටුපළ ගන්නා අතර, පෘතුගාලයේ මඩෙයිරා සහ ඇමරිකාවේ පිට්කින් කවුන්ටි ගුවන් තොටුපළ පිළිවෙලින් තුන්වන සහ හතරවන තැන ගන්නවා.
