අමෙරිකානු ජනාධිපති ට්‍රම්ප් පරිපාලනය හඳුන්වාදුන් තීරුබදු වල අහිතකර බලපෑම් හේතුවෙන් ආසියානු කලාපයේ ප්‍රධාන කොටස් වෙළෙඳපොළ රැසක් අද, තෙවැනි දිනටත් කැපී පෙනෙන ලෙස කඩා වැටී තිබෙනවා,
මේ අතර ට්‍රම්ප්ගේ තීරුබදු සම්බන්ධ සාකච්ඡා කිරීමට රටවල් 50ක් පමණ මේ වනවිට සිය කැමැත්ත පළකර තිබෙන බව සඳහන්.
ඩොනල්ඩ් ට්‍රම්ප් හඳුන්වාදුන් තීරුබදු ප්‍රතිපත්තිය ලබන බදාදා සිට ක්‍රියාත්මක වීමට නියමිතයි.
එය නිවේදනය කෙරුණු පසුගිය අප්‍රේල් 02වෙනිදා සිට ගෝලීය කොටස් වෙළෙඳපොළවලට ඉන් එල්ල වෙමින් පවතින්නේ සුළුපටු බලපෑමක් නොවේ.
ඉන් වැඩි බලපෑමට ලක් වූ ජපානය, දකුණු කොරියාව ඇතුළු ආසියානු කොටස් වෙළෙඳපොළ අගයන් වාර්තාගත ලෙස පහළ ගොස් ඇතැයි විදෙස් මාධ්‍ය සඳහන් කරයි.
මෙම අමෙරිකානු බදුවලට ප්‍රතිචාර ලෙස බදු ඉහළ නොදමන බවයි ඉන්දීය රජය නිවේදනය කර ඇත්තේ.
ඒ අනුව අමෙරිකානු ආනයන තවත් පුළුල් කිරීමටත් ඒවා මත පනවා ඇති බදු බිංදුව දක්වා පහත හෙලීමටත් තායිවාන ජනාධිපති විලියම් ලායි ගේ සූදානම් වේ.
ලොවපුරා තවත් වෙළෙඳපොළ සියල්ලම පාහේ අද දිනයේ දැක්වුණේ සැලකිය යුතු පසුබෑමකි.
එමෙන්ම තම රටට පනවා ඇති 46%ක බදු පහත හෙලන ලෙස ඉල්ලා ට්‍රම්ප් සමඟ දැනටමත් සාකච්ඡා ඇරඹීමට වියට්නාම කමියුනිස්ට් පාලනය පියවර ගෙන තිබෙනවා.
එමෙන්ම තීරුබදු පිළිබඳ සාකච්ඡා සඳහා ඊශ්‍රායල අගමැති බෙන්ජමින් නෙතෙන්යාහු අමෙරිකාව බලා ගමන් කිරීමට නියමිතයි.
