පැපුවා නිව්ගිනියාව අසල රිච්ටර් මාපකයේ 6.9ක ප්‍රබල භූමිකම්පාවක් ඇති වූ බව ඇමෙරිකාවේ භූවිද්‍යා සමීක්ෂණ ආයතනය (USGS) පවසනවා.
එය එරට වේලාවෙන් අද (5) උදෑසනයි සිදුව ඇත්තේ.
පැපුවා නිව්ගිනියාවට අයත් එරටට බටහිරින් පිහිටි නව බ්‍රිතාන්‍ය දූපතේ අගනුවරට 194Kmක් ගිනිකොන දෙසින් මෙම භූමිකම්පාව සිදුව තිබෙනවා.
එම භූවිද්‍යා සමීක්ෂණ දත්ත වාර්තා කරන්නේ මෙම භූමිකම්පාවෙන් අනතුරුව රික්ටර් මාපකයේ 5.3ක පසුකම්පනයක් ඇතුළුව පසුකම්පන කිහිපයක් ද ඇති වූ බවයි.
භූමිකම්පාව හේතුවෙන් වෙරළබඩ ප්‍රදේශවලට අනතුරුදායක සුනාමි රළ ඇති විය හැකි බවට පුරෝකථනය කර පැපුවා නිව්ගිනියාවට සුනාමි අනතුරු ඇඟවීම් නිකුත් කිරීමට එම සමීක්ෂණ මධ්‍යස්ථානය කටයුතු කර තිබෙනවා.
කෙසේ නමුත් ඉන් අනතුරුව එම සුනාමි අනතුරු ඇඟවීම ඉවත් කර ඇති බව සඳහන්.
