දකුණු කොරියානු ජනාධිපති යූන් සුක් යෙයෝල්ට පක්ෂයෙන් ඉවත් වන ලෙස පාලක පීපල් පවර් පක්ෂයේ නායකයා දන්වා තිබෙන බව විදෙස් මාධ්‍ය සඳහන් කරනවා.
ඊයේ ජනාධිපති යූන් සිය ආරක්ෂක අමාත්‍ය කිම් යොං-හ්යූන්ගේ ඉල්ලා අස්වීම පිළිගෙන ඇති අතර ජනාධිපතිවරයා යුද නීතිය ප්‍රකාශයට පත් කිරීමේ ක්‍රියාවේදී තමන් හැසිරුනු ආකාරය ගැන සමාව අයැදමින් ආරක්ෂක අමාත්‍යවරයා ඊයේ ඉල්ලා අස් වුවා.
කෙසේ වෙතත් පාර්ලිමේන්තුවේ හදිසි ඡන්ද විමසීමකින් පසු යුද නීතිය ඉවත් කිරීමට සිදුවීමත් සමග නිහඬ වූ ජනපති යූන් අද ජාතිය ඇමතීමට නියමිතයි.
මේ අතර දකුණු කොරියා විපක්ෂය ජනාධිපති යූන්ට දෝෂාභියෝගයක් එල්ල කර ඇති අතර සෙනසුරාදා එහි ඡන්ද විමසීම සිදු කරණ බවයි මාධ්‍ය වාර්තා වැඩි දුරටත් පෙන්වා දෙන්නේ.
