10 වැනි පාර්ලිමේන්තුවේ පළමුවැනි සභාවාරයේ පළමු රැස්වීම අද (03) ලංකාවේ වේලාවෙන් පෙරවරු 9.30ට ආරම්භ වුණා.
ඒ, කතානායක ආචාර්ය අශෝක රන්වල මහතාගේ ප්‍රධානත්වයෙන්.
පාර්ලිමේන්තු රැස්වීම ලබන 06 වැනිදා දක්වා පැවැත්වීමට නියමිතයි.
ජනාධිපතිවරයා විසින් පසුගිය 21 වැනිදා පළමු සැසිය අරඹමින් පාර්ලිමේන්තුවට ඉදිරිපත් කළ ආණ්ඩුවේ ප්‍රතිපත්ති ප්‍රකාශය සම්බන්ධයෙන් විවාදය ද අද ආරම්භ වන අතර එය හෙට දක්වා පැවැත්වීමටයි කටයුතු කර ඇත්තේ.
ඊට අදාළ ඡන්ද විමසීම හෙට පස්වරුවේ පැවැත්වෙනවා.
එමෙන්ම පාර්ලිමේන්තු මන්ත්‍රීවරියන්ගේ සංසදයේ ආරම්භක රැස්වීම අද පස්වරු 2 ට පැවැත්වීමටත්, පාර්ලිමේන්තු තේරීම් කාරක සභාව අද පස්වරු 3.00 ට රැස්වීමටත් නියමිත බව සඳහන්.
එමෙන්ම, ලබන වසරේ පළමු මාස 04 සඳහා වන අතුරු සම්මත ගිණුමට අදාළ යෝජනා සම්මතය ද හෙට පාර්ලිමේන්තුවේදී විවාදයට ගනු ලබයි.
