ඕස්ට්‍රේලියාවේ සිල්ලර වෙළඳසැල් රාක්ක පිටුපස දශක ගණනාවක් සැඟවී සිටි මධ්‍යසාර නොවන පාන වර්ග දැන් ඕස්ට්‍රේලියානුවන් අතර ජනප්‍රියත්වයට පත්ව තිබෙනවා.

මෙම සතියේ ප්‍රකාශයට පත් කරන ලද මත්ද්‍රව්‍ය සහ මධ්‍යසාර සමාලෝචන සඟරාවේ නව අධ්‍යයනයකින් හෙළි වූයේ මත්පැන් නොමැති හෝ අඩු මත්පැන් (NoLo) සමහර ඉහළ අවදානම් සහිත මත්පැන් පානය කරන්නන්ට අඩුවෙන් මත්පැන් පානය කිරීමට මධ්‍යසාර නොවන පාන වර්ග උපකාර වන බවයි.

බොහෝ තැබෑරුම්, කොක්ටේල්වල මධ්‍යසාර නොවන ස්ප්‍රීතු භාවිතා කිරීම අත්හදා බලමින් සිටින අතර රට පුරා ඇති බීර කර්මාන්ත ශාලා ඉල්ලුමට සරිලන පරිදි ඔවුන්ගේ නිෂ්පාදනයේ අඩු මධ්‍යසාර අනුවාදයන් නිර්මාණය කරන බවයි කියන්නේ.

අද වන විට ලොව පුරා අඩු මත්පැන් පරිභෝජනය වැඩිවෙමින් පවතින අතර, ANZ හි Food For Thought වාර්තාව මගින් 2023 දී ඕස්ට්‍රේලියාවේ බීර අලෙවියෙන් 10% ක් පමණ මධ්‍යසාර නොවන බියර්වලින් සමන්විත වන බව සොයා ගෙන තිබෙනවා.

එමෙන්ම ඕස්ට්‍රේලියාවේ NoLo නිෂ්පාදනයන්හි මිල අහස උසට නැඟීම තරමක් පුදුමයට කරුණක් වී ඇති බව ද සඳහන්.

ඇල්කොහොල් රහිත බියර් සමාගමක් වන Heaps Normal හි ප්‍රධාන බීර නිෂ්පාදක බෙන් හෝල්ඩ්ස්ටොක් පවසන පරිදි, මධ්‍යසාර නොවන බියර් සෑදීම ඕස්ට්‍රේලියාවේ සංස්කෘතික වශයෙන් අභියෝගාත්මක අදහසක් වූයේ වසර පහකට පෙරයි.

එසේනම් මධ්‍යසාර රහිත පාන වර්ග සාදා ගන්නේ කෙසේද සහ ඒවා කෙතරම් සෞඛ්‍ය සම්පන්නද?

මත්පැන් ඉවත් කරන්නේ කෙසේද?

මද්‍යසාර නොවන බීම සෑදීමට ඇති පහසුම ක්‍රමයක් නම් සම්පූර්ණ ප්‍රබල අනුවාදයෙන් ආරම්භ කර එය උණුසුම් කිරීමයි.

එහිදී මධ්‍යසාර පානයක් අංශක 78 දක්වා රත් කිරීමෙන් එතනෝල් ඉවත් කර ජලය සහ අනෙකුත් සංයෝග පමණක් ඉතිරි වේ.

මෙය මත්පැන් ඉවත් කිරීම ලෙස හැඳින්වේ.

මධ්‍යසාර නොවන බීර නිෂ්පාදනය කරන Hiatus Beers හි සම-නිර්මාතෘ සහ බීර නිෂ්පාදක Nic Sandery ට අනුව, මෙම ක්‍රියාවලිය lagers වැනි සරල බියර් සඳහා විශේෂයෙන් ඵලදායී විය හැක.

Heaps Normal සම-නිර්මාතෘ බෙන් හෝල්ඩ්ස්ටොක් පවසන්නේ මධ්‍යසාර නොවන බියර් සෑදීම වඩාත් සංකීර්ණ බවයි.

සාම්ප්‍රදායික මධ්‍යසාර බියර් සෑදීම සඳහා, මෝල්ටෝස් හෝ මෝල්ටෝට්‍රියෝස් වැනි සීනි එතනෝල් සහ කාබන් ඩයොක්සයිඩ් බවට පත් කිරීමට යීස්ට් භාවිතා කරයි.

මධ්‍යසාර නොවන ස්ප්‍රීතු

බියර්වල සාමාන්‍යයෙන් ඇල්කොහොල් අඩංගු වන්නේ 5%ක් පමණ වන බැවින් මධ්‍යසාර ඉවත් කිරීමේ ක්‍රියාවලියෙන් පසු ‘බියර්’ ඕනෑ තරම් ඉතිරි වේ.

ඇල්කොහොල් 18% ක් දක්වා විය හැකි වයින් අනුකරණය කිරීම වඩාත් අපහසු විය හැකි නමුත් වැඩි රසයක් ලබා දීම සඳහා මිදි යුෂ සහ ටැනින් වැනි නිෂ්පාදන එකතු කළ හැකිය.

මධ්‍යසාර සෞඛ්‍ය සම්පන්නද?

මධ්‍යසාර ඔබේ සෞඛ්‍යයට යහපත් නොවේ.

මෑත කාලීන ඕස්ට්‍රේලියානු මාර්ගෝපදේශ සටහන් කරන්නේ “ඔබ මධ්‍යසාර බීමට තෝරා ගැනීම අඩු වන තරමට, එමඟින් ඔබට හානි වීමේ අවදානම අඩු” බවයි.

2022 දී ලෝක සෞඛ්‍ය සංවිධානය ඉහත මාර්ගෝපදේශයට වඩා ඉදිරියට ගොස්, “කිසිදු මට්ටමක මත්පැන් පානය කිරීම ආරක්ෂිත නොවේ” යන්න පැහැදිලි කළේය.

පර්යේෂණ මගින් පෙන්නුම් කරන පරිදි, මූලික වශයෙන් මත්පැන් වෙනුවට ආදේශකයක් ලෙස මධ්‍යසාර නොවන නිෂ්පාදන භාවිතා කරන්නේ නම්, (ඔබ අඩුවෙන් මත්පැන් පානය කරන නිසා ) එය වඩාත් සෞඛ්‍ය සම්පන්න තේරීමක් විය හැකි බවයි කියන්නේ.

නමුත් ඔවුන් ජලය හෝ සෝඩා ජලය සමඟ මත්පැන් ආදේශ කිරීම අනුමත නොකරයි.

ඕස්ට්‍රේලියානු වයින් පර්යේෂණ ආයතනයේ වයින් නිෂ්පාදකයකු සඳහන් කරන්නේ මධ්‍යසාර නොවන වයින් රසකාරකවලින් තොර වනු ඇතැයි ඔබ අපේක්ෂා නොකළ යුතු බවයි.

කෙසේ වෙතත්, බොහෝ අවස්ථාවන්හී දී, මධ්‍යසාර නොවන පානවල සිසිල් බීම කෑන් එකකට වඩා අඩු සීනි තිබේ.

වයින්වල ඇති රෙස්වෙටරෝල් සහ බියර්වල ෆීනෝල් ​​වැනි රසායනික ද්‍රව්‍ය සෞඛ්‍ය ප්‍රතිලාභවලට හේතු විය හැකි බවට ඇතැම් සාක්ෂි ද ඇති අතර මේවායේ මධ්‍යසාර නොවන අනුවාද, එතනෝල් හානියකින් තොරව රසායනික ද්‍රව්‍ය සපයනු ඇත.

නිසැකවම, මිනිසුන් මෙම බීම සඳහා යොමු වීමට එක් හේතුවක් සෞඛ්‍යය වුවද එය එකම හේතුව නොවන බවට වෛද්‍යවරුන් පවසයි.

NoLo නිෂ්පාදන පිළිබඳ නව අධ්‍යයනයට අනුව, මෙම සමාජීය සහ අභිප්‍රේරණ සාධක සමහර පුද්ගලයින්ට ඔවුන්ගේ මත්පැන් පුරුද්දෙන් මිදීමට උපකාරී වේ.

නමුත් විනෝදය සඳහා හෝ මත්වීම සඳහා මධ්‍යසාර පානය කරන අධි අවදානම් සහිත පුද්ගලයින් NoLo බීම වෙත යොමු වීමේ සම්භාවිතාව අඩු බව ලොව පුරා පුද්ගලයින් 33,000කට වැඩි පිරිසකගෙන් කළ සමීක්ෂණයකින් හෙළි වී ඇති බව සඳහන්.