පවතින අයහපත් කාලගුණික තත්ත්වය හේතුවෙන් දිවයිනේ ප්‍රදේශ රැසක වායු ගුණාත්මකභාවය සුළු වශයෙන් අහිතකර මට්ටමක් දක්වා පහළ යා හැකි බව ජාතික ගොඩනැගිලි පර්යේෂණ සංවිධානය පවසනවා.
එමෙන්ම අද (30) දිනයේ යාපනය නගරයේ සහ කොළඹ නගරයේ වායුගුණ තත්ත්වය සුළු වශයෙන් අහිතකර වනවා
සාමාන්‍යයෙන් වායු දර්ශක අගය 50ට අඩුවෙන් පැවතිය යුතු බවයි එම ආයතනය නිකුත් කළ නිවේදනයේ දැක්වෙන්නේ.
කෙසේ වෙතත් මෙම තත්ත්වය හමුවේ සංවේදී පුද්ගලයින්ට හුස්ම ගැනීමේ අපහසුතා පවතීනම් වහාම වෛද්‍ය උපදෙස් ලබා ගන්නා ලෙසයි එම සංවිධානය වැඩිදුරටත් පැවසුවේ
