මැතිවරණ සමයේ දී පොරොන්දු වූ පරිදි රාජ්‍ය බැංකු තුළ වෙනම සංවර්ධන අංශයක් ස්ථාපිත කිරීමට බලාපොරොත්තු වන බව ජනාධිපති අනුර කුමාර දිසානායක මහතා පවසනවා.
ඒ තඹුත්තේගම ප්‍රදේශයේ අද (26) පස්වරුවේ පැවති ජාතික ජන බලවේගයේ සුහද හමුවට එක්වෙමින්.
වෙනම සංවර්ධන බැංකුවක් ස්ථාපිත කිරීමට මීට පෙර සැලසුම් කර තිබුන ද නව ගොඩනැගිලි සකස් කිරීමේ දී අමතර මුදලක් වැයවන බැවින් පවතින රාජ්‍ය බැංකු තුළ ම වෙනම ඒකකයක් ලෙස සංවර්ධන අංශ ස්ථාපිත කිරීමට තීරණය කළ බවයි ජනාධිපති අනුර කුමාර දිසානායක මහතා කියා සිටියේ.
ඒ හරහා තරුණ ව්‍යවසායකයින්ට අඩු පොලියට රුපියල් මිලියන 25ක් දක්වා ණය මුදලක් ලබාදීමට අපේක්ෂා කරන බව ද ජනාධිපති අනුර කුමාර දිසානායක මහතා මෙහිදි වැඩිදුරටත් සදහන් කළා.
