දවුලගල දී පාසල් සිසුවියක් පැහැර ගැනීමේ සිද්ධිය සම්බන්ධයෙන් අත්අඩංගුවට එක සැකකරුවෙක් රක්ෂිත බන්ධනාගාර ගත කර ඇති අතර සෙසු දෙදෙනා තවදුරටත් රඳවාගෙන ප්‍රශ්න කිරීමට තීරණය කර තිබෙනවා.
ඒ සියලු සැකකරුවන් හා එම සිසුවිය අද (14) සවස ගම්පොළ මහේස්ත්‍රාත් කාංචනා කොඩිතුවක්කු මහත්මිය හමුවට ඉදිරිපත් කළ අවස්ථාවේ දීයි.
රක්ෂිත බන්ධනාගාර ගත කෙරුණේ වෑන් රථයේ රියදුරුවරයායි.
ඔහු ලබන 27 දක්වා මෙලෙස රක්ෂිත බන්ධනාගාර ගත කර තිබෙනවා.
ප්‍රධාන සැකකරු හා අද උදෑසන අත්අඩංගුවට ගත් අනෙක් සැකකරුවා හෙට දින දක්වා රැඳවුම් භාරයේ තබා ගැනීමටයි මහේස්ත්‍රාත්වරිය නියෝග කර ඇත්තේ.
එමෙන්ම අදාළ දැරිය පියා භාරයට පත් කිරීමට ද අධිකරණය නියෝග කළා.
