2024 යල කන්නයට අදාළව ගංවතුර, නියඟ සහ වන අලි උවඳුර හේතුවෙන් සිදු වූ වගා හානිවලට අදාළ සියලු වන්දි ලබන ජනවාරි 5 වැනිදාට පෙර ගෙවා අවසන් කිරීමට කටයුතු යොදා ඇති බව කෘෂිකාර්මික හා ගොවිජන රක්ෂණ මණ්ඩලය පවසනවා.
මේ වසරේ මාර්තු මස සිට ඔක්තෝබර් මාසය දක්වා කාලය තුළ සිදු වූ සියලු වගා හානි සඳහා මෙහිදී වන්දි මුදල් පිරිනැමෙන බව සඳහන්.
මේ වන විට 80%කට ආසන්න ගොවීන් පිරිසකට රුපියල් මිලියන 80කට ආසන්න මුදලක් ගෙවා අවසන් බවයි පැවසෙන්නේ.
ඒ අනුව ඉතිරි ගොවීන් පිරිසගේ අදාළ වන්දි මුදල් ජනවාරි 5 වැනිදාට පෙර ගොවීන්ගේ බැංකු ගිණුම් වෙත බැර කිරීමට පියවර ගන්නා බවයි කෘෂිකාර්මික හා ගොවිජන රක්ෂණ මණ්ඩලය
මේ අතර කෘෂිකාර්මික හා ගොවිජන රක්ෂණ මණ්ඩලය වැඩිදුරටත් සඳහන් කළේ 2024/2025 මහ කන්නයට අදාළ වන්දි මුදල් පෙබරවාරි මාසයේ මුල වන විට ගෙවීමට පියවර ගෙන ඇති බවයි.
