චීනයේ සිව් දින රාජ්‍ය සංචාරයක නිරත ජනාධිපති අනුර කුමාර දිසානායක මහතා අද (15) පස්වරුවේ චීන ජනාධිපති ෂී ජින් පිං මහතා හමුවීමට නියමිතයි.
චීන මහජන ශාලාවේදී මෙම හමුව පැවැත්වෙන බවයි පැවසෙන්නේ.
එහිදී ශ්‍රී ලංකා ජනාධිපතිවරයා සහ චීන ජනාධිපතිවරයා අතර ද්විපාර්ශ්වික සාකච්ඡා පැවැත්වීමෙන් අනතුරුව අවබෝධතා ගිවිසුම් කිහිපයක් අත්සන් තැබීමට ද අපේක්ෂිත බවයි ජනාධිපති මාධ්‍ය අංශය සඳහන් කළේ.
මේ අතර ජනාධිපති අනුර කුමාර දිසානායක මහතා චීන ජනාධිපතිවරයා හමුවීමට පෙර අද පෙරවරුවේ චීන කොමියුනිස්ට් පක්ෂයේ ඉතිහාසය අඩංගු ප්‍රදර්ශන ශාලාව නැරඹීමට නියමිතයි.
ඉන් අනතුරුව කුම් මාළිගා කෞතුකාගාරය නැරඹීමටත් ,මා ඕසේතුංගේ අනුස්මරණ ස්මාරකයට ආචාරය පළ කිරීමටත් ජනාධිපවරයා එක්වන බවයි පැවසෙන්නේ.
