2024 සඳහා පුරෝකථනය කළ දේ යථාර්ථයක් වී ඇති බව දැකීමෙන් සතුටට පත් වන බව හිටපු සංචාරක අමාත්‍ය හරීන් ප්‍රනාන්දු මහතා පවසනවා.
මේ වසරේ 20 ලක්ෂ වැනි සංචාරකයා මෙරටට පැමීණීම සම්බන්ධයෙන් සිය X ගිණුමේ සටහනක් තබමින් හරීන් ප්‍රනාන්දු මහතා මේ බව සඳහන් කළා.
සංචාරකයින් ශුන්‍යයකින් අපගේ ගමන ශ්‍රී ලංකාවට පැමිණෙන සීමිත ගුවන් සේවා සමඟින් ආරම්භ කර 2022 අවසන් වූ විට 709,000 පැමිණීමක් ගෙන්වා ගැනීමට සමත් වූ බවයි හිටපු අමාත්‍යවරයා පවසන්නේ.
2023 දී අපේක්ෂා කළ පරිදි සංචාරකයින් මිලියන 1.5 ක් පැමිණ අවසන්.
2024 වසරේ මිලියන 2 ක විශිෂ්ට ජයග්‍රහණයක් ලබා ගැනීමට සමත් වී තිබෙන බවද හිටපු අමාත්‍යවරයා පවසනවා.
2025 වසරේ ඉලක්කයන් යථාර්ථයක් බවට පත් කර ගැනීමට නව රජයට සහ ශ්‍රී ලංකා සංචාරක කාර්ය මණ්ඩලයට සුබ පතන බවයි හිටපු අමාත්‍ය හරීන් ප්‍රනාන්දු මහතා නිකුත් කළ X සටහනේ වැඩිදුරටත් සඳහන් වන්නේ.
