ප්‍රවීණ ගායන ශිල්පී ප්‍රියා සූරියසේන මහතා අභාවප්‍රාප්ත වී තිබෙනවා.
ඒ, කොළඹ ජාතික රෝහලේ ප්‍රතිකාර ලබමින් සිටියදීයි.
අභාවප්‍රාප්ත වනවිට ඔහු 80 හැවිරිදි වියේ පසු වුණා.
දේහය හෙට (25) පෙරවරුවේ සිට මහජන ගෞරවය සඳහා නුගේගොඩ, ගංගොඩවිල, පාසල් මාවතේ පිහිටි ඒ මහතාගේ නිවසේ තැන්පත් කිරීමට නියමිත බවයි කියන්නේ.
1968 වසරේදී බයිලා ගීත ගායනයෙනුයි සූරියසේන මහතා සංගීත ක්ෂේත්‍රයට පිවිසියේ.
පසුව 1972 වසරේදී සරල ගී ගායනයට යොමු වුණා.
සඳ තාරකා හඬාවී, හෙට දවසේ අප දෙදෙනා, ඈත රන් විමන්, අඳුර අඳුර මගේ, සරතැස නිවා, ප්‍රණීත මී බිඳු, කිරිසයුරේ ඇතුළු ගී රැසකින් ඔහු රසිකයන් අතර ජනාදරයට පත් වුණා.
