ටෙක්සාස් හි සැන් ඇන්ටෝනියෝ හි ඇති වූ හදිසි ගංවතුරෙන් පුද්ගලයින් 11 දෙනෙකු මිය ගොස් තිබෙනවා.
එම ප්‍රදේශයේ ගිනි නිවන දෙපාර්තමේන්තුව පැවසුවේ ගංවතුරෙන් අතුරුදහන් වූ හතර දෙනෙකු සොයමින් සිටින බවයි.
එමෙන්ම මෙම ගංවතුරත් සමඟ ඇති වූ දරුණු කුණාටු හේතුවෙන් මෝටර් රථ මාර්ගවලින් ඉවතට පැන, රියදුරන් සමඟම ගංගාවකට තල්ලු වී ගොස් ඇති බවයි එරට මාධ්‍ය වාර්තා කරන්නේ.
ඒ අනුව ප්‍රාන්තය පුරා ගිනි නිවන දෙපාර්තමේන්තුව යොදවා ඇති අතර ගලවා ගැනීමේ බලකායකින් අමතර සහාය ඉල්ලා ඇති බව ද සඳහන්.
ඇති වූ හදිසි ගංවතුරෙන් දිවි අහිමි වූ අයගේ පවුල් සහ ඔවුන්ගේ ආදරණීයයන් සොයමින් සිටින පවුල්වල අයට ශෝකය ප්‍රකාශ කරමින් සැන් ඇන්ටෝනියෝ නගරාධිපති රොන් නිරෙන්බර්ග් සිය X ගිණුමේ සටහනක් ද තබා තිබෙනවා.
