ඛනිජ සංවර්ධනය කිරීම සඳහා යුක්රේනය සහ ඇමෙරිකාව අතර ගිවිසුමක් අත්සන් කිරීමේ ආරම්භක පියවරක් සනිටුහන් කර තිබෙනවා.
ඒ සංදේශයකට අත්සන් කරමින්.
යුක්රේනයේ නියෝජ්‍ය මෙන්ම ආර්ථික ඇමතිනී යුලියා ස්වයිරිඩෙන්කෝ සිය එක්ස් ගිණුමේ සටහනක් තබමින් කියා සිටියේ, ආර්ථික හවුල්කාරිත්ව ගිවිසුමක් සහ යුක්රේනය ප්‍රතිසංස්කරණය කිරීම සඳහා ආයෝජන අරමුදලක් පිහිටුවීම යන අරමුණින් මෙලෙස දෙරට අතර සංදේශයකට අත්සන තබා ඇති බවයි.
යුක්රේනය ප්‍රතිසංස්කරණ සහ නව ආර්ථික අවස්ථා නිර්මාණය කිරීමට ආයෝජන ආකර්ෂණය කර ගැනීම සඳහා මෙම අරමුදල ඵලදායී මෙවලමක් වනු ඇති බවට ද ඇය විශ්වාසය පළ කළා.
එමෙන්ම, පසුගිය පෙබරවාරි මාසයේ දී යුක්රේනයේ උපායමාර්ගික ඛනිජ නිස්සාරණය කිරීම සම්බන්ධයෙන් ගිවිසුමක් අත්සන් කිරීම ගැන අමෙරිකාව සමඟ සාකච්ඡා පවත්වා තිබූ අතර, එය දෙරටේ ජනාධිපතිවරුන් අතර වූ ආරවුලක් හේතුවෙන් තාවකාලිකව අඩාල වී ඇති බවයි ප්‍රකාශ කළේ.
