චාරකයන් සඳහා දුම්රිය දෙපාර්තමේන්තුව විසින් හඳුන්වාදුන් නව විශේෂ දුම්රිය අද (01) උදෑසන 09.45 ට මහනුවර දුම්රිය ස්ථානයෙන් සිය මංගල ගමන ආරම්භ කළා.
එම දුම්රිය සෑම සති අන්තයකම සෙනසුරාදා හා ඉරිදා දිනවල ගමනාගමනයට යොදා ඇති අතර එම දුම්රිය මහනුවර දුම්රිය ස්ථානයෙන් පෙරවරු 09.45 පිටත්ව පස්වරු 05.22 ට දෙමෝදර දුම්රිය ස්ථානය වෙත ලගාවීමට නියමිතයි.
එමෙන්ම එම දුම්රිය දෙමෝදර දුම්රිය ස්ථානයෙන් පස්වරු 06.00 නැවත මහනුවර බලා පිටත් වීමට නියමිත බව සඳහන්.
මෙම දුම්රියේ පළමු පන්තියේ වෙන් කළ ආසන 176 ක් ද, දෙවන පන්තියේ වෙන් කළ ආසන 176 ක් ද, තෙවන පංතියේ වෙන් කළ ආසන 44 ලෙස ආසන 396ක් පවතිනවා.
පළමු, දෙවන , තෙවන පංතිවල ගාස්තු පිළිවෙළින් රු 7000/=, 6000/= 5000/= ලෙස පවතින බවයි පැවසෙන්නේ.
මෙම දුම්රිය පේරාදෙණිය , නාවලපිටිය, හැටන් ,ග්‍රේට්වෙස්ටර්න් ,නානුඔය , පට්ටිපොළ ඔහිය , ඉදල්ගස්සින්න , හපුතලේ ,බණ්ඩාරවෙල ,ඇල්ල යන දුම්රිය ස්ථානවල පමණක් සහ ආරැක්කු නවය පාලමේ මිනිත්තු 10 පමණ නවත්වා ධාවනය කරනු ඇති.
ඊට අමතරව තෝරාගත් නැරඹුම් ස්ථානවල දුම්රිය සෙමින් ධාවනයේ යෙදෙන බවයි පැවසෙන්නේ.
