ශ්‍රී ලංකා රේගුව සහ ඒකාබද්ධ වෘත්තීය සමිති ඒකාබද්ධව දින 04 ක කඩිනම් බහාලුම් නිෂ්කාශන ක්‍රියාවලියක් ඊයේ (30) දියත් කර තිබෙනවා.
ඒ අනුව, සියලුම අංශ ඊයේ (30) සිට පෙබරවාරි 2 වැනි ඉරිදා දක්වා පෝලිම් ගැසී ඇති සියලුම බහාලුම් නිෂ්කාශනය වන තුරු පූර්ණ කාර්ය මණ්ඩලය සමඟ රාජකාරි කිරීමට තිරණය කර ඇති බවයි ශ්‍රි ලංකා රේගුව පවසන්නේ.
එබැවින්, නියමිත කාලසීමාව තුළදී තම කාර්යයන් සඳහා නියමිත වේලාවට සහභාගී වෙමින්, පසුබෑම ඉවත් කර ගැනීමට හැකි වන පරිදි, සියළුම භාණ්ඩ තොගකරුවන්, නිෂ්කාශන නියෝජිතයින් සහ ප්‍රවාහනය කරන්නන්ගෙන් ඔවුන්ගේ උපරිම සහයෝගය ලබා දෙන ලෙස රේගුව ඉල්ලා සිටිනවා.
මෙම වැඩපිළිවෙලට සහය වන ලෙස රේගුව සමඟ කටයුතු කරන අනෙකුත් සියලුම රාජ්‍ය ආයතන වෙතින්ද ඉල්ලීමක් කර ඇති බව සඳහන්.
