ශ්‍රී ලංකා පොදුජන පෙරමුණේ නව ජාතික කැඳවුම්කරු ලෙස පාර්ලිමේන්තු මන්ත්‍රී ඩී.වී. චානක පත් කර තිබෙනවා.
ඒ ඊයේ (20) දින හිටපු ජනාධිපති මහින්ද රාජපක්ෂගේ විජේරාම නිවසේ පැවති ශ්‍රී ලංකා පොදුජන පෙරමුණේ විධායක කමිටු රැස්වීමේදීයී.
ජනාධිපතිවරණ සමයේ ශ්‍රී ලංකා පොදුජන පෙරමුණෙන් ඉවත්ව රනිල් වික්‍රමසිංහට සහාය දුන් රෝහිත අබේගුණවර්ධනයි මීට පෙර එම තනතුරේ කටයුතු කළේ.
මේ අතර බිම් මට්ටමේ සහ දිස්ත්‍රික් මට්ටමේ නව නායකයන් පත් කිරීමේ සංවිධාන කටයුතු ජොන්ස්ටන් ප්‍රනාන්දුට පවරා ඇති බව සඳහන්.
මෙම රැස්වීමට පක්ෂයේ සභාපති පූජ්‍ය උතුරවල ධම්මරතන හිමි, මහලේකම් සාගර කාරියවසම්, ජාතික සංවිධායක නාමල් රාජපක්ෂ, ජොන්ස්ටන් ප්‍රනාන්දු, සංජීව එදිරිමාන්න, සහ සී.බී. රත්නායක යන ඇතුළු පිරිසක් සහභාගි වී තිබෙනවා.
