පළාත් පාලන ඡන්ද විමසීම හේතුවෙන් අද සහ හෙට පාසල්වලට නිවාඩු ලබා දී තිබෙනවා.
ඒ අනුව පාසල් යළි විවෘත වන්නේ, ලබන 7 වැනිදායි.
මේ අතර පළාත් පාලන ඡන්ද විමසීම හේතුවෙන් විදෙස් ගමන් බලපත්‍ර නිකුත් කිරීමේ එක්දින සහ සාමාන්‍ය සේවා අද සිට 7 වැනිදා දක්වා සීමා කරයි ඇත්තේ.
එම දිනවල පැය 24 සේවාව ද, ක්‍රියාත්මක නොවේ.
එමෙන්ම අද සහ හෙට බස්නාහිර පළාත් වාහන ආදායම් බලපත්‍ර නිකුත් කිරීමේ කවුළු වසා තබනු ඇති.
ඒ, නිලධාරින් මැතිවරණ රාජකාරි සඳහා යෙදවීම හේතුවෙන් ය.
අදාළ කවුළු යළි විවෘත කරන පළමු දිනයේ දී දඩ මුදල් ගෙවීමකින් තොරව, නියමිත ගාස්තුව පමණක් ගෙවා වාහන ආදායම් බලපත්‍ර ලබාගත හැකි බවයි බස්නාහිර පළාත් ප්‍රධාන ලේකම් කාර්යාලය නිවේදනය කළේ.
එසේම පුද්ගලයින් ලියාපදිංචි කිරීමේ දෙපාර්තමේන්තුවේ ප්‍රධාන කාර්යාලය සහ පළාත් කාර්යාලවල එක්දින සේවා ඇතුළු සියලු මහජන සේවා ද, අද සහ හෙට ක්‍රියාත්මක නොවේ.
