ෆ්‍රැන්සිස් පාප් වහන්සේ අද (23) දිනයේ රෝහලෙන් පිටව යාමට නියමිත බවත්, අනතුරුව වතිකානුවේ උන්වහන්සේගේ නිවසට පැමිණෙන බවත් වෛද්‍යවරු විසින් ප්‍රකාශ කර ඇති බව විදෙස් මාධ්‍ය වාර්තා කරනවා.
එමෙන්ම මාසයකට අධික කාලයක් රෝහල්ගතව සිටි ශුද්ධෝත්තම ෆ්‍රැන්සිස් පාප් වහන්සේ අද දිනයේ දී ජනතාව හමුවේ පෙනී සිටීමට නියමිත බවයි පවසන්නේ.
රෝමයේ වේලාවෙන් අද මධ්‍යහ්න 12 ට එය සිදු වනු ඇති.
88 හැවිරිදි ෆ්‍රැන්සිස් පාප් වහන්සේ රෝහල් ගත කිරීමෙන් මසකට පසුව පළමුවරට උන්වහන්සේගේ ඡායාරූපයක් ද පසුගිය දා වතිකානය විසින් මාධ්‍ය වෙත නිකුත් කරනු ලැබුවා.
පසුගිය මස 14 වනදා පෙනහලුවල ඇති වූ නියුමෝනියා ආසාදන තත්ත්වයක් හේතුවෙනුයි උන්වහන්සේ රෝහල් ගත කර තිබුණේ.
විදෙස් මාධ්‍ය සඳහන් කරන්නේ උන්වහන්සේ රෝගී තත්ත්වයෙන් සුවය ලබමින් සිටින නමුත් තවදුරටත් ප්‍රතිකාර ලැබීමට අවශ්‍ය බවයි.
