ඕස්ට්‍රේලියාවේ ප්‍රධාන නගරවල නිවාස වෙළඳ පොළ අගය ක්‍රමයෙන් පහත වැටි ඇති බව නවතම දත්ත වාර්තා අනුව හදුනාගෙන තිබෙනවා.
ඒ CoreLogic විසින් සිදු කළ පර්යේෂණ මගින්.
සිඩ්නි සහ මෙල්බන්වල නිවාස වටිනාකම ක්‍රමයෙන් පහත වැටී ඇති බවයි එම පර්යේෂණ අධ්‍යක්ෂ Tim Lawless (ටිම් ලෝලස්) පැවසුවේ.
CoreLogic හි ජාතික නිවාස වටිනාකම් දර්ශකයට අනුව නොවැම්බර් මාසයේ දී නිවාස වටිනාකම ඉහළ ගොස් ඇත්තේ සියයට 0.1 කින් වන අතර 2023 වසරේ ජනවාරි සිට මෙලෙස ජාතික නිවාස වටිනාකම මෙවැනි අඩු අගයකින් ඉහළ ගිය ප්‍රථම අවස්ථාව මෙය බව සඳහන්.
ඕස්ට්‍රේලියානු නිවාස අගයෙහි වාර්තාගත වැඩීවීමක් පසුගිය සැප්තැම්බර් මාසයේ පෙන්නුම් කර ඇති අතර ඒ සිඩ්නි නගරයෙන් බවත් පසුගිය වසරේ මෙම කාලසීමාවට සාපේක්ෂව නිවාස වටිනාකම සියයට 2.3ක අඩුවීමක් පෙන්නුම් කරන බවයි එම පර්යේෂණ වාර්තාවල දැක්වෙන්නේ.
පර්ත් හි නිවාස වටිනාකම් නොවැම්බරයේ සියයට 1.1 කින් ද ඒ හා සමානව, බ්‍රිස්බේන්හි කාර්තුමය වර්ධන වේගය සියයට 1.8 දක්වා අඩු වි ඇති බවද එම වාර්තා වැඩිදුරටත් පෙන්වා දෙනවා.
