ඇප කොන්දේසි කඩකරමින් විදෙස් ගතව සිටි සංවිධානාත්මක අපරාධ කල්ලි සාමාජිකයෙක් බව කියන පොඩි ලැසී නැමැත්තා ඉන්දියාවේදී අත්අඩංගුවට ගෙන තිබෙනවා.
රක්ෂිත බන්ධනාගාර ගත කර සිටි ජනිත් මදුසංඛ නොහොත් පොඩි ලැසී නැමැත්තා පසුගිය වසරේ දෙසැම්බර් 09 වැනි දින ගාල්ල බලපිටිය මහේස්ත්‍රාත් අධිකරණය විසින් ඇප මත නිදහස් කරනු ලැබුවා.
එහිදී මීළඟ නඩු දිනය දක්වා පොඩි ලැසී නැමත්තාට විදෙස් ගමන් තහනමක් පනවා තිබුණා.
ඒ අතරවරයේ මොහු ඇප කොන්දේසි කඩකරමින් විදේශ ගතවී ඇති බවයි වාර්තා වුණේ.
මේ පිළිබඳ සිදු කළ විමර්ශනවලදී මොහු ඉන්දියාවට පළා ගොස් ඇති බවට තොරතුරු වාර්තා වුණා.
මේ අනුව වැඩබලන පොලිස්පතිවරයාගේ පෞද්ගලික මැදිහත්වීම මත මොහු අත්අඩංගුවට ගැනීම සඳහා ඉන්දීය පොලිසියෙන් සහය ඉල්ලා තිබෙනවා
ඒ අනුව පොඩි ලෑසි නැමැත්තා අද (16) ඉන්දියාවේදි එරට පොලිසිය විසින් අත්අඩංගුවට ගෙන ඇති බව සඳහන්.
සැකකරු ඉදිරියේදී මෙරටට රැගෙන ඒමෙන් අනතුරුව අධිකරණයට කරුණු වාර්තා කර ඉදිරි ක්‍රියාමාර්ග ගන්නා බවයි පොලිස් මූලස්ථානය සඳහන් කළේ.
