ශක්ති සම්පන්න මහජන සේවාවක් උදෙසා විපක්ෂයේ සියලුම බලවේග එකට එකතු කර ගත් ගමනකට නායකත්වය දෙන බව විපක්ෂ නායක සජිත් ප්‍රේමදාස මහතා පැවසුවා.
ඔහු මේ බව කියා සිටියේ අද විශේෂ ප්‍රකාශයක් සිදු කරමින්.
මෑත කාලයේ ජනාධිපතිවරණය හා මහමැතිවරණයේ දී විශාල ජනවරම් දෙකක් ලබා ගත් රජය අතිවිශාල පරිහානියකට කඩාවැටීමකට ලක්ව ඇති බවත්, රටේ ජනතාව විසින් විපක්ෂයේ සියලු දෙනා එකට එකතු කර ගෙන කටයුතු කරන ලෙසට පණිවිඩයක් ලබා දී ඇති බවත් විපක්ෂ නායකවරයා එහිදී කියා සිටියා.
එමෙන්ම මෙහි දී වැඩිදුරටත් අදහස් දක්වමින් ඔහු සඳහන් කළේ ප්‍රජාතන්ත්‍රවාදය ආරක්ෂා කරන පුද්ගලයන් ලෙස, ජනතාව අපේක්ෂා කරන විශිෂ්ට ජනතා සේවාවක්, විනිවිදභාවයෙන් යුක්තව ප්‍රතිපත්ති ගරුකව එකමුතුභාවය හරහා ඉටු කිරීමට නායකත්වය දෙන බවයි
