ගම්පහ – අක්කරවිට ප්‍රදේශයේ ඉදිකරමින් පවතින වැසිකිලි වළක තිබී ඝාතනය කළ බවට සැක කෙරෙන 14 හැවිරිදි දැරියකගේ මළ සිරුරක් සොයාගෙන තිබෙනවා.
තම දියණිය දෙසැම්බර් 02 වැනිදා සිට අතුරුදන්ව ඇති බවට දරුවාගේ මව ඊයේ ( 05) ගම්පහ පොලිසිය වෙත කරන ලද පැමිණිල්ලක් මතයි විමර්ශන ආරම්භ කර තිබෙන්නේ.
සිද්ධිය සම්බන්ධයෙන් දැරියගේ මව විසින් මේ සම්බන්ධව තම දෙවන සැමියා සැක කරන බවයි පොලිසිය හමුවේ පවසා ඇත්තේ.
ඒ අනුව, නිලධාරීන් විසින් පැමිණිල්ල සහ විමර්ශනයේදී රැස්කරගත් අනෙකුත් තොරතුරු මත පැමිණිලිකාරියගේ දෙවන සැමියා සැකපිට අත්අඩංගුවට ගෙන ඇති බවයි වාර්තා වන්නේ.
සැකකරු සමඟ කළ ප්‍රශ්න කිරීම්වලදී දැරිය ඝාතනය කර ඇගේ සිරුර නිවස පිටුපස ඉදිකරමින් පවතින වැසිකිළි වළට දමා කොන්ක්‍රීට් ලෑල්ලකින් වළ වසා දැමූ බවට පුද්ගලයා පාපොච්චාරණය කර තිබෙනවා.
මේ වනවිට අපරාධය සිදුවූ ස්ථානයට පොලිස් නිලධාරීන් යොදවා ඇති අතර මහේස්ත්‍රාත් පරීක්ෂණය අද සිදුකිරීමට නියමිතයි.
ගම්පහ පොලිසිය සිද්ධිය සම්බන්ධෙයෙන් වැඩිදුර පරීක්ෂණ පවත්වන බවද සඳහන්.
