නවසීලන්තය සමඟ පැවැත්වෙන එක්දින තරඟාවලිය සඳහා සහභාගී වන ශ්‍රී ලංකා සංචිතය නම් කර තිබෙනවා.
චරිත් අසලංකගේ නායකත්වයෙන් යුත් මෙම සංචිතයට ක්‍රීඩකයින් 17 දෙනෙක් ඇතුළත්.
පැතුම් නිස්සංක, අවිශ්ක ප්‍රනාන්දු, නිශාන් මදුෂ්ක, කුසල් මෙන්ඩිස්, කමිදු මෙන්ඩිස්, ජනිත් ලියනගේ සහ නුවනිදු ප්‍රනාන්දු මෙම සංචිතයට ඇතුළත් කර තිබෙනවා.
මීට අමතරව දුනිල් වෙල්ලාලගේ, වනිදු හසරංග, මහීෂ් තීක්ෂණ , ජෙෆ්රි වැන්ඩසේ, චමිදු වික්‍රමසිංහ, අසිත ප්‍රනාන්දු සහ මොහොමඩ් ෂිරාස් මෙම සංචිතයට ඇතුළත්.
එමෙන්ම ලහිරු කුමාර සහ ඒෂාන් මාලිංගද මෙම සංචිතයට නම් කර තිබෙනවා.
දෙරට අතර පළමු එක්දින තරඟය ලබන ජනවාරි මස 5 වැනිදා ආරම්භ වීමට නියමිතයි.
