ආසියානු කුසලාන කාන්තා වයස අවුරුදු 19න් පහළ පන්දුවාර 20යි 20 තරඟාවලියේ ශූරතාව දිනාගැනීමට ඉන්දීය යොවුන් ක්‍රීඩිකාවන් අද සමත් වුණා.
ඒ මැලේසියාවේ ක්වාලාලම්පූර්හිදී අද පැවති අවසන් තරඟයේදී බංගලාදේශ යොවුන් ක්‍රීඩිකාවන් ලකුණු 41කින් පරාජයට පත් කරමින්.
මෙම තරඟයේ මුලින් පන්දුවට පහරදුන් ඉන්දිය යොවුන් ක්‍රීඩිකාවන් සිය පන්දුවාර 20 අවසානයේ කඩුලු 7ක් දැවී ලකුණු 117ක් රැස්කළා.
ලකුණු 118ක ජයග්‍රාහි ඉලක්කයක් හඹා ගිය බංගලාදේශ යොවුන් ක්‍රීඩිකාවන්ට පන්දුවාර 18යි පන්දු 3ක් අවසානයේ සියලු ක්‍රීඩිකාවන් දැවී රැස්කර ගැනීමට හැකිවූයේ ලකුණු 76ක් පමණයි.
මේ අනුව මෙම තරඟය ලකුණු 41කින් ජය ගත් ඉන්දීය යොවුන් ක්‍රීඩිකාවන් වයස අවුරුදු 19න් පහළ කාන්තා පන්දුවාර 20යි 20 ආසියානු කුසලානය තමන් සතු කර ගැනීමට සමත් වුණා.
මේ අතර පසුගියදා පැවති වයස අවුරුදු 19න් පහළ පිරිමි පන්දුවාර 20යි 20 ආසියානු කුසලාන තරඟාවලියේදී ඉන්දීය යොවුන් ක්‍රීඩකයින් පරාජය කළ බංගලාදේශ යොවුන් ක්‍රීඩකයින් එහි ශුරතාව දිනා ගත්තා.
