2025 පළාත් පාලන මැතිවරණයට අදාළව අද (06) දින අග්‍රාමාත්‍ය ආචාර්ය හරිනි අමරසූරිය මෙනෙවිය කෝට්ටේ, මිරිහාන සමෘද්ධි ගොඩනැගිල්ලේ ස්ථාපිත ඡන්ද මධ්‍යස්ථානයේ දී සිය ඡන්දය ප්‍රකාශ කරනු ලැබුවා.
පළාත් පාලන මැතිවරණය ජයග්‍රහණයත් සමගම, සංවර්ධනය ගමට ළඟා කරන්න හැකි වන්නේ මහජනතාවට වඩාත්ම සමීප පළාත් පාලන ආයතනයෙන් වන නිසා මෙම මැතිවරණය ඉතාම වැදගත් බවයි සිය ඡන්දය ප්‍රකාශ කිරීමෙන් අනතුරුව මාධ්‍ය වෙත අදහස් දක්වමින් ඇය ප්‍රකාශ කර සිටියේ.
අග්‍රාමාත්‍යවරිය වැඩිදුරටත් සඳහන් කළේ අපරාධකරුවන්ට දේශපාලන රැකවරණය නොමැති වීම තුළ ඔවුන් කැලඹී සිටින බවත්, රටේ සිදුවන අපරාධවලට ඔවුන්ගේ මෙම කැලඹීම හේතුවක් බවයි.
ඊට අදාළව නීතිය සහ සාමය රැකීම පොලිසිය විසින් මේ වනවිට සිදුකරගෙන යන බවද ඇය පැවසුවා.
