වයස අවුරුදු 19න් පහළ 20යි 20 කාන්තා ක්‍රිකට් ලෝක කුසලාන තරඟාවලියේ සහභාගී වූ පළමු තරඟය විශිෂ්ට ලෙස ජය ලබා ගැනීමට ශ්‍රී ලංකා ක්‍රිඩිකාවෝ අද(19) සමත් වුවා.

ඒ සත්කාරක මැලේසියානු යොවුන් ක්‍රීඩිකාවන් ලකුණු 139කින් පරාජය කරමින්.

කණ්ඩායම් 16ක සහභාගීත්වයෙන් මැලේසියාවේ පැවත්වෙන මෙම තරඟාවලියේ ශ්‍රී ලංකාව සහභාගී වූ පළමු තරඟය මෙයයි.

ක්වාලාලම්පූර් හි පැවැති තරඟයේ පළමුව පන්දුවට පහරදුන් ශ්‍රී ලංකා යොවුන් ක්‍රීඩිකාවන් පන්දුවාර විස්ස තුළ කඩුලු 06ක් දැවී ලකුණු 162ක් ලබා ගත්තා.

එහිදී දහමි සෙනෙත්මා ලකූණු 55යි.

ශ්‍රී ලංකා යොවුන් ක්‍රීඩිකාවන්ගේ සුපිරි පන්දු යැවීම හමුවේ මැලේසියානු යොවුන් කාන්තා කණ්ඩායම ට පන්දුවාර 14යි පන්දු 1ක් අවසානයේ සියලු දෙනා දැවී ලබා ගැනීමට හැකි වුයේ ලකුණු 23ක් පමණි.