ලොව වයස්ගතම ඔලිම්පික් රන් පදක්කම්ලාභිනිය වූ හංගේරියාවේ ඇග්නස් කෙලෙටි අභාවප්‍රාප්ත වී තිබෙනවා.
කෙලෙටි හංගේරියාවේ බූඩපෙස්ට්හි හමුදා රෝහලේ අසනීප තත්ත්වයක් හේතුවෙන් රෝහල් ගත කර සිටියදී අභාවප්‍රාප්ත වූ බවයි විදෙස් මාධ්‍ය වාර්තා කළේ.
ලබන ජනවාරි 9 වැනි දාට උපන්දිනය යෙදී තිබූ ඇය අභාවප්‍රාප්ත වනවිට 103වැනි වියේ පසු වුණා.
ඇග්නස් කෙලෙටි පළමු ඔලිම්පික් රන් පදක්කම දිනාගනු ලැබුවේ 1952 වසරේදීයි.
ජිම්නාස්ටික් ශූරියෙකු වූ ඇය ඔලිම්පික් රන් පදක්කම් 05ක් ද ඇතුළුව දිනා සිටි සමස්ත ඔලිම්පික් පදක්කම් ගණන 10ක්.
කෙලෙටි 1940දී පළමු හංගේරියානු ශූරතාව දිනා ගත් පසු ඇයගේ යුදෙව් සම්භවය නිසා ඇයට සියලු ක්‍රීඩා කටයුතු කලක් තහනම්ව තිබුණා.
