ශ්‍රී ලංකාව සමඟ පැවැත්වෙන එක්දින සහ පන්දුවාර 20යි 20 තරඟාවලි සඳහා සහභාගි වන නවසීලන්ත සංචිතය නම් කර තිබෙනවා.
එක්දින සහ පන්දුවාර 20යි 20 කණ්ඩායම් දෙකෙහිම නායකත්වය මිචෙල් සැන්ට්නර්ට හිමිව තිබීම විශේෂත්වයක්.
නවසීලන්ත සුපිරි ආරම්භක පිතිකරුවන් දෙපළක් වන කේන් විලියම්සක් සහ ඩෙවොන් කොන්වේ දකුණු අප්‍රිකාවේ පැවැත්වෙන පන්දුවාර 20යි20 ලීග් තරඟාවලියට සහභාගි වන බැවින් මෙම සංචිතවලට ඇතුළත් කර නැහැ.
මීට අමතරව ලුකී ෆර්ගසන් ,ෆින් ඇලන්,ඇඩම් මිල්නේ සහ ටිම් සර්ෆිට් බිග් බෑෂ් ලීග් තරඟාවලියට සහභාගි වන බැවින් මෙම සංචිතයට ඇතුළත් කර නැහැ.
මේ අතර නවසීලන්ත ක්‍රිකට් සභාපතිවරයාගේ කණ්ඩායම සමඟ අද පැවති පන්දුවාර 20 සහ පන්දුවාර 10 පුහුණු තරඟ දෙක ජය ගැනිමට ශ්‍රී ලංකා කණ්ඩායම සමත් වුණා.
