බංග්ලාදේශ ක්‍රිකට් කණ්ඩායමේ හිටපු නායක ශකිබ් අල්-හසන්ට ICCහි අනුමැතිය ඇති ජාතික ක්‍රිකට් සංගම් මගින් සංවිධානය කරනු ලබන දේශීය හෝ විදේශීය තරඟාවලිවලදී පන්දු යැවීම අත්හිටුවා තිබෙනවා.
බංගලාදේශ ක්‍රිකට් පාලක මණ්ඩලය නිවේදනයක් නිකුත් කරමිනුයි මේ බව පැවසුවේ.
ඒ පසුගිය සැප්තැම්බර් මාසයේ පැවති එංගලන්ත ප්‍රාන්ත ක්‍රිකට් තරඟයකදී ඔහු පන්දුව දමා ගැසූ බවට චෝදනා කරමින් එංගලන්ත සහ වේල්ස් ක්‍රිකට් පාලක මණ්ඩලය මගින් එරට පැවැත්වෙන ක්‍රිකට් තරඟවලදී ශකිබ්ට පන්දු යැවීම තහනමට ලක් කිරීම සැලකිල්ලට ගනිමින්.
ශකිබ් සිය පන්දු යැවීමේ ඉරියව්ව නැවත පරීක්ෂණයකට ලක්කළ යුතු බවයි බංග්ලාදේශ ක්‍රිකට් පාලක මණ්ඩලය නිවේදනයක් නිකුත් කරමින් සඳහන් කළේ.
ඔහු මේ වනවිට ශ්‍රී ලංකාවේ පැවැත්වෙන T10 තරඟාවලිය සඳහා එක්ව සිටිනවා.
ටෙස්ට් සහ T20 ජාත්‍යන්තර තරඟවලින් සමුගත් ශකිබ් අල් හසන් එක්දින ජාත්‍යන්තර තරඟ සඳහා තවමත් බංග්ලාදේශය නියෝජනය කරනු ලබයි.
